Ռուս խաղաղապահների դեմ ցանկացած գործողություն կդիտվի որպես հարձակում Ռուսաստանի վրա․ Լավրով
Մերձդնեստրում ռուս զինվորականների դեմ ցանկացած գործողություն կդիտվի որպես հարձակում Ռուսաստանի վրա, Ռուսաստանի Միջազգային հարաբերությունների ինստիտուտում ելույթի ժամանակ ասել է այդ երկրի արտգործնախարար Սերգեյ Լավրովը։
«Բոլորը պետք է հասկանան, որ ցանկացած գործողություն, որը կվտանգի մեր զինվորական անձնակազմի անվտանգությունը (Մերձդնեստրում), միջազգային իրավունքի համաձայն, կդիտարկվի որպես հարձակում Ռուսաստանի վրա, ինչպես դա եղավ Հարավային Օսիայում, երբ մեր խաղաղապահների վրա հարձակվեց (Վրաստանի նախկին նախագահ Միխայիլ) Սահակաշվիլին»,- զգուշացրել է Լավրովը։
Ռուսական խաղաղապահ ուժերը Մերձդնեստրում են տեղակայված 1992 թվականից։
