ՏԵՍԱՆՅՈՒԹ. Թայվանում սպասում են Փելոսիին, իսկ Չինաստանը զորք է առաջ քաշում. ինչ իրավիճակ է այս պահին

 Թայվանում սպասում են ԱՄՆ Կոնգրեսի Ներկայացուցիչների պալատի խոսնակ Նենսի Փելոսիին: Համացանցում արդեն կադրեր են հրապարակվել Grand Hyatt Taipei հյուրանոցի տարածքից, որտեղ իրավապահները ուժեղացված ծառայություն են իրականացնում:  Ըստ միջազգային լրատվականների փոխանցման` Փելոսին պետք է մնա այնտեղ։

Ինչպես հայտնում է Flightradar24-ը, Նենսի Փելոսիին տեղափոխող ինքնաթիռը սպասվում է Մոսկվայի ժամանակով 17:43-ին։

Թայվանական ԶԼՄ-ների տվյալներով՝ Փելոսին Թայբեյ  վեց հոգուց բաղկացած պատվիրակության գլխավորությամբ այսօր  կլինի Թայվանում: Ինչպես հայտնում է Flightradar24-ը, Նենսի Փելոսիին տեղափոխող ինքնաթիռը սպասվում է առաջիկա րոպեներին:

Հիշեցնենք, որ ԱՄՆ-ի Կոնգրեսի ստորին պալատի խոսնակի այցը Թայվան կարող է վերջին 25 տարվա ընթացքում ամերիկյան քաղաքական գործչի մակարդակով նման առաջին այցը դառնալ: Պեկինը բազմիցս զգուշացրել է ամերիկյան կողմին, որ եթե այցը տեղի ունենա, ապա դա անհետևանք չի մնա, և Չինաստանը կոշտ միջոցներ կձեռնարկի: Վաշինգտոնը կարծում է, որ Պեկինը կարող է անգամ հրթիռների արձակում կամ զորավարժություններ անցկացնել: