ՏԿԵ նախարարությունը` մեքենաներում գործարանային արտադրության գազաբալոնների վկայագրում իրականացնելու մասին
Գործարանային արտադրության հեղուկ նավթային կամ սեղմված բնական գազով աշխատող այն տրանսպորտային միջոցները, որոնց վրա տեղադրված գազաբալոնների շահագործման ժամանակահատվածն արտադրության պահից չի անցել երկու տարին, կարող են ներկայանալ ցանկացած լիցենզավորված կազմակերպություն՝ առանց վկայագրում իրականացնելու տրանսպորտային միջոցի տվյալներն էլեկտրոնային շտեմարան մուտքագրելու համար։ Այս մասին Auroranews-ին տեղեկացրին Տարածքային կառավարման եւ ենթակառուցվածների նախարարությունից:
Հիշեցնենք` ՀՀ տարածքային կառավարման և ենթակառուցվածքների նախարարությունը պարբերաբար նախազգուշացնում է, որ սույն թվականի օգոստոսի 1-ից տրանսպորտային միջոցների վրա տեղադրված գազաբալոնները չեն լիցքավորվի, եթե գազաբալոնը տեղադրված կամ վկայագրված չէ լիցենզավորված կազմակերպության կողմից:
