Թաղավարդում հրադադարի խախտման դեպք է գրանցվել. ՌԴ ՊՆ
Օրվա ընթացքում հրադադարի ռեժիմի մեկ խախտում է գրանցվել Թաղավարդի տարածքում։ Այս մասին գրում է ՌԴ ՊՆ-ն ամենօրյա տեղեկագրում:
Նշվում է, որ Ադրբեջանի զինված ուժերը հրաձգային զինատեսակներից կրակ են բացել Լեռնային Ղարաբաղի զինված կազմավորումների դիրքերի ուղղությամբ։ Զոհեր և վիրավորներ չեն եղել։
«Ռուսական խաղաղապահ զորախմբի հրամանատարությունը, համագործակցելով ադրբեջանական և հայկական կողմերի ներկայացուցիչների հետ, հանգուցալուծել է միջադեպը»,- նշվում է հաղորդագրությունում:
