Մյասնիկյան պողոտայում ռեստորաններից մեկի մոտ մեքենայից կրակել էր․ 3 անձ ձերբակալվել է, մեկը՝ 20-ամյա աղջիկ
Հուլիսի 17-ին, ժամը 01.15-ին, ոստիկանության Երևան քաղաքի հատուկ նշանակության գումարտակի 1-ին վաշտի 2-րդ դասակի ծառայողները Տիգրան Մեծ պողոտայից, «Մերսեդես» մակնիշի մեքենայից կրակոցներ արձակելու, հասարակության նկատմամբ անհարգալից վերաբերմունք դրսևորելու, հասարակական կարգը կոպիտ կերպով խախտելու համար, ձերբակալել և Նոր Նորքի բաժին են ներկայացրել 24-ամյա երիտասարդի, ինչպես նաև մեքենայի վարորդին և ուղևորուհուն:
Ոստիկանությունից հայտնում են, որ բաժնում 24-ամյա երիտասարդը հայտնել է, որ Մյասնիկյան պողոտայի ռեստորանային համալիրներից մեկի մոտ մեքենայի պատուհանից օդամղիչ ատրճանակից օդ էր կրակել:
Երեքն էլ ներկայացվել են նախաքննական մարմնին:
