Չինաստանը չեզոքացրել է ԱՄՆ-ի առաջատարությունը AI-ի ոլորտում. Axios

Չինական Մունշոթ ԱԻ ընկերության ներկայացրած արհեստական բանականության նոր՝ Կիմի Կ3 մոդելը հասել է ամերիկյան առաջատար մշակումների մակարդակին և որոշ թեստերում գերազանցել ՕփենԱԻ-ի ու Անթրոպիկի մոդելներին, ընդ որում՝ դրա կիրառման արժեքը մոտ 40%-ով ավելի ցածր է։

Աքսիոսի տվյալներով՝ այս շաբաթ Չինաստանին հաջողվել է չեզոքացնել ԱՄՆ-ի առաջատար դիրքն արհեստական բանականության բնագավառում։ Չինական Մունշոթ ԱԻ ընկերության թողարկած Կիմի Կ3 մոդելը մի շարք ստուգումներում առաջ է անցել ՕփենԱԻ-ի և Անթրոպիկի մշակումներից, իսկ դրա օգտագործումը նաև մոտ 40%-ով ավելի էժան է։

 Պարբերականը հայտնում է, որ Կիմի Կ3-ը հասանելի է դառնալու բաց ելակետային կոդով, ինչի շնորհիվ ձեռնարկություններն ու պետական մարմինները կկարողանան այն ինտեգրել և հարմարեցնել իրենց սեփական ենթակառուցվածքներին։ Աքսիոսի դիտարկմամբ՝ նոր մոդելի հայտնվելը մեծացնում է մրցակցությունը շուկայում և կասկածի տակ դնում նախկին տեսակետները, թե ԱՄՆ-ն ունի զգալի տեխնոլոգիական առավելություն։