Արտեզյան ջուր են խառնում, բայց գրաֆիկն էլ կրճատվում է․ Արփինե Հովհաննիսյանը կոչ է անում դիմել դատարան

Իրավաբան Արփինե Հովհաննիսյանը հայտարարել է, որ «Վեոլիա ջուր» ընկերության ջրի վերաբերյալ իրականացված նմուշառումների արդյունքում արձանագրվել են խնդիրներ։

Նրա խոսքով՝ ջրի կոշտության ցուցանիշը գերազանցել է սահմանված նորման։ 

Հովհաննիսյանը նշել է, որ անհրաժեշտ է պարզել, թե ինչու է ամռան ամիսներին ջրամատակարարման ժամանակացույցը կրճատվել, այն դեպքում, երբ օգտագործվում է նաև արտեզյան ջուր։

«Իմացեք, որ խմում եք արտեզյան ջուր, որը կա, բայց նույնիսկ այլ կարիքների համար այն չեն տալիս նորմալ գրաֆիկով։ Սակայն այն խառնում են Գառնիի ջրի հետ, որպեսզի խմելու ջրի նորման պահպանվի»,- նշել է Արփինե Հովհաննիսյանը։

Նա նաև նշել է, որ հարցի վերաբերյալ անհրաժեշտ է ուսումնասիրություն իրականացնել և պարզել ջրամատակարարման սահմանափակումների պատճառները։