ՏԵՍԱՆՅՈՒԹ․ Ճապոնիայի նախկին վարչապետը՝ մահափորձից հետո․ ուշագրավ կադրեր
Քիչ առաջ հայտնել էինք, որ hրապարակվել են Ճապոնիայի նախկին վարչապետի մահափորձի կադրերը:
Միջազգային լրատվականներում նոր տեսանյութներ են տարածվում, որոնց կից նշվում է, որ մահափորձից անմիջապես հետո Աբեն գիտակցության մեջ է եղել, սակայն փոխադրման ժամանակ նրա վիճակը ծանրացել է։
Ավելի վաղ արտակարգ իրավիճակների ծառայությունները հայտնել էին, որ Ճապոնիայի նախկին վարչապետը «սրտի եւ թոքերի կանգի վիճակում է»։
Այժմ քաղաքական գործիչը գտնվում է Նարայի պրեֆեկտուրալ համալսարանական հիվանդանոցում։ Հրաձգության մեջ կասկածվողը ձերբակալվել է։
Վերջինս Ճապոնիայի ինքնապաշտպանության ուժերի նախկին նավաստի է, հայտնում է Nihon TV-ն։
