«Ռուսաստանը ոչ մեկի հետևից չի վազում». Լավրովը` Արևմուտքի երկրների ու Ջոնսոնի հրաժարականի մասին
Ռուսաստանի Դաշնության արտգործնախարար Սերգեյ Լավրովը մեկնաբանել է Մեծ Բրիտանիայի վարչապետ Բորիս Ջոնսոնի երեկվա հրաժարականը: Ինչպես կարծում է Ռուսաստանի ԱԳՆ ղեկավարը, Ջոնսոնը ձգտում էր մեկուսացնել Ռուսաստանը, ինչը հանգեցրեց նրա ներկուսակցական մեկուսացմանը:
«Ջոնսոնն իր ողջ գործունեությամբ ապացուցել է, որ ինքն այն մարդն է, որն իշխանության է բռնվել հանուն նրա, որ իր քաղաքական կարիերան ամեն կերպ բարձրացնի»,— նշել է Լավրովը:
Նա նաեւ հանդիմանել է արեւմտյան երկրներին քաղաքավարության եւ էթիկետի կանոնները չհասկանալու համար, ինչը, նրա կարծիքով, արտահայտվել է արեւմտյան պետությունների ներկայացուցիչների բացակայության մեջ G20-ի ղեկավարների խորհրդակցության բացման ողջույնի ընդունելության ժամանակ:
Մեկնաբանելով նախարարների ավանդական լուսանկարումը չեղարկելու մասին հաղորդագրությունները՝ Սերգեյ Լավրովը պարզաբանել է, որ ոչ մեկին չի հրավիրել լուսանկարվելու, իսկ Ռուսաստանը «ոչ մեկի հետևից չի վազում»:
