Պետական դավաճանության և ապօրինի ձեռք բերած պետական գաղտնիք կազմող տեղեկությունների հրապարակման վերաբերյալ քրեական վարույթի նախաքննությունն ավարտվել է

ՀՀ քննչական կոմիտեում քննվող քրեական վարույթով Անդրանիկ Թևանյանի և Արեգնազ Մանուկյանի մասով նյութերն ուղարկվել են հսկող դատախազին:

Քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում քննություն է ընթանում 2021 թվականի ընտրություններում «Հայաստան» դաշինքին աջակցած քաղաքական գործիչ, նույն դաշինքի ցուցակով ԱԺ պատգամավոր ընտրված Ա․Թ.-ի կողմից պետական դավաճանության, պետական գաղտնիք պարունակող տեղեկություններ ապօրինի ձեռք բերելու ու հրապարակելու, ինչպես նաև ԱԺ նախկին պատգամավոր Ա․Մ․-ի կողմից պետական գաղտնիք հանդիսացող տվյալներ հանրայնացնելու դեպքերով։

Անդրանիկ Թևանյանի և Արեգնազ Մանուկյանի վերաբերյալ գործն մեղադրական եզրակացությամբ փոխանցվել է հսկող դատախազին: