«Հայաստանն առաջարկել է հետ քաշել զորքերը, բայց հրաժարվել ենք». Բայրամով

Հայ-ադրբեջանական սահմանի սահմանազատման հանձնաժողովների երկրորդ նիստի անցկացման ամսաթիվը դեռ որոշված չէ: Ընդհանուր առմամբ, սահմանազատման գործընթացը հեշտ չի լինի, հայտարարել Է Ադրբեջանի ԱԳ նախարար Ջեյհուն Բայրամովը:

«Սահմանի սահմանազատման հանձնաժողովի հերթական նիստի ամսաթիվը դեռ որոշված չէ», - լրագրողներին ասել է Բայրամովը:

Նրա խոսքով ՝ հանձնաժողովին հաջողվել է ձևավորել երկարատև և բարդ գործընթացից հետո։ 

«Հայաստանն առաջարկել է ապաԷսկալացման միջոցներ ձեռնարկել և հետ քաշել զորքերն ու սահմանապահներին սահմանից ։ Բայց ադրբեջանական կողմը հրաժարվել է դրանից, քանի որ իր սահմանները պաշտպանելը Ադրբեջանի սահմանադրական իրավունքն ու պարտքն է», - նշել է նա։

Վերջինս ընդգծել է, որ Ադրբեջանը կողմնակից է «սահմանների ցիվիլ սահմանմանը, որոնք հիմնված են տարբեր իրավական եւ պատմական փաստաթղթերի վրա»:

«Կարծիքների տարբերությունը, իհարկե, կարող է լինել, բայց հանձնաժողով եւ դրա գործունեությունը անհրաժեշտ են հենց ընդհանուր հայտարարի գալու համար», - հավելել է ԱԳ նախարարը:

Բայրամովը նաեւ ընդգծել է, որ սահմանի «դելիմիտացիան ընդհանուր առմամբ երկար գործընթաց է», եւ հաշվի առնելով Ադրբեջանի եւ Հայաստանի միջեւ նախկին հարաբերությունները, «կարծում են, որ այդ գործընթացը հեշտ չի լինի»: