«Հայաստանի հետ բանակցություններում առաջխաղացում չկա». Բայրամով

Ադրբեջանի ԱԳ նախարար Ջեյհուն Բայրամովը հայտարարել է Հայաստանի հետ խաղաղ պայմանագրի շուրջ բանակցություններում հատուկ առաջընթացի բացակայության մասին: 

«Ես չեմ կարող ասել, որ Հայաստանի հետ խաղաղ համաձայնագրի շուրջ բանակցություններում որոշակի առաջխաղացում կա։ Այնուամենայնիվ, որոշակի մեսիջներ կան, քննարկումներ են ընթանում»,-նրա խոսքերը մեջբերում է «Ինտերֆաքս-Ադրբեջանը»։  

Վեջինիս խոսքով, Հայաստանում այդ կապակցությամբ տարբեր կարծիքներ կան, «դեռ հայ հասարակության մեջ կան ռևանշիստական կոչեր, բայց կան նաեւ դրանից տարբերվող կարծիքներ»: 

«Բայց մենք կարծում ենք, որ այդ համատեքստում հայ հասարակության մեջ որոշակի փոփոխություններ են տեղի ունեցել։  Ես կարծում եմ, որ յուրաքանչյուր ոք պետք է հասկանա, որ երկարաժամկետ խաղաղության եւ տարածաշրջանի զարգացմանը այլընտրանք չկա», — հավելել է Ադրբեջանի ԱԳՆ ղեկավարը: