«ՌԴ ՊՆ-ն համապատասխան ծրագրեր ունի». Պեսկով
ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի պաշտպանության նախարարությունը երկրի անվտանգության ապահովման միջոցառումների պլաններ ունի ՆԱՏՕ-ին Ֆինլանդիայի եւ Շվեդիայի անդամակցության գործընթացի մեկնարկի լույսի ներքո:
Հիշեցնենք` ՆԱՏՕ-ի գլխավոր քարտուղար Յենս Ստոլտենբերգը երեքշաբթի հայտարարել է դաշինքին Շվեդիայի եւ Ֆինլանդիայի անդամակցության մասին Արձանագրությունների վավերացման գործընթացի մեկնարկի մասին: Ավելի վաղ Ֆինլանդիայի Լապեենրանտների քաղաքապետ Կիմո Յարվան առաջարկել էր քաղաքում տեղակայել ՆԱՏՕ-ի բազա:
«Նման տարբերակներ մշակվում են ոչ թե Կրեմլում, այլ պաշտպանության նախարարությունում ։ Մենք ձեզ բազմիցս ասել ենք, որ այնտեղ համապատասխան ծրագրեր կան, եւ աշխատանքներ են տարվում մեր անվտանգության ապահովման ուղղությամբ», - ասել Է Պեսկովը լրագրողներին ՝ պատասխանելով այն հարցին, թե մշակվում է արդյոք Կրեմլում Ռուսաստանի հետ սահմանին ՆԱՏՕ-ի բազայի տեղակայման տարբերակը, եւ ինչի հետ կապված Մոսկվան կարող է պատասխանել այդ հարցին: Նա հիշեցրել է, որ ՌԴ նախագահ Վլադիմիր Պուտինն արդեն գնահատական է տվել ՆԱՏՕ-ին Ֆինլանդիայի եւ Շվեդիայի անդամակցությանը:
