Աղմկահարույց ձայնագրությունից հետո Վարդազարյանի լիազորությունները դադարեցվե՞լ են. լրատվամիջոց

Irakanum.am-ի տեղեկություններով՝ Բարձրագույն դատական խորհուրդը  քիչ առաջ որոշել է դադարեցնել ԲԴԽ լիազորությունները կասեցված նախագահ Ռուբեն Վարդազարյանի լիազորությունները։
 

NEWS.am-ի հետ զրույցում ԲԴԽ անդամ Գրիգոր Բեքմեզյանը ոչ հերքեց, ոչ էլ հաստատեց այդ տեղեկությունը, նշելով, որ խորհուրդն այդ հարցով խորհրդակցական սենյակում է։
 

Կայքի հետ զրույցում Վարդազարյանի ներկայացուցիչ, փաստաբան Արամ Օրբելյանն էլ ասաց՝ եթե ԲԴԽ-ն հիմա նման որոշում կայացնի, ապա դրանով եւս մի քանի խախտում կավելացնի արձանագրված մյուս խախտումներին։
 

Հիշեցնենք, որ Բարձրագույն դատական խորհրդի՝ լիազորությունները կասեցված նախագահ Ռուբեն Վարդազարյանն այսօր՝ հունիսի 20-ին, լրագրողների հետ հանդիպմանը աղմկահարույց ձայնագրություն է հրապարակել իր, ԲԴԽ նախագահի պարտականությունները կատարող Գագիկ Ջհանգիրյանի եւ ԲԴԽ անդամ Ստեփան Միքայելյանի՝ 2021 թվականի փետրվարի 20-ին տեղի ունեցած զրույցից։