ԱՄՆ-ն գերտերություն է, որի վերնախավն ուռճացված ինքնագնահատական ունի. Պուտին

ԱՄՆ-ը մեծ տերություն է, բայց այս երկրի վերնախավն ունի ուռճացված ինքնագնահատական, Սանկտ Պետերբուրգի միջազգային տնտեսական ֆորումի լիագումար նիստում ասել է ՌԴ նախագահ Վլադիմիր Պուտինը, գրում  է Kp. ru-ն:

«ԱՄՆ քաղաքական վերնախավը բոլորին վերևից է նայում, հաճախ վերաբերվում է ուռճացված ինքնագնահատականով: Բայց դա չի բացառում այն, որ ԱՄՆ-ը գերերություն է: Սա մի երկիր է, որը դարձել է համաշխարհային առաջատար 300 տարում, սա հարգանքի է արժանի: Բայց վերնախավերի ներքին խնդիրներն ու սխալներն իրենց զգացնել են տալիս. խնդիրներն աճում են տնտեսության և այլ ոլորտներում»,- ասել է երկրի ղեկավարը։

Ռուսաստանի ղեկավարն ուշադրություն է հրավիրել էներգակիրների գների աճի վրա։ Նա նշել է, որ շուկան թանկանում է, իսկ ԱՄՆ-ն շուկայում գլխավորն է։ Պուտինը նախազգուշացրել է խնդիրների հետագա սրման մասին, եթե նման քաղաքականությունը շարունակվի: Միաժամանակ, քաղաքական գործիչը կարծիք է հայտնել, որ ամերիկացիները «էլիտաներին կդնեն այնպիսի դիրքերում, որտեղ նրանք պետք է արձագանքեն բնակչության պահանջներին»։

«Եվ ի վերջո հարաբերությունները ճիշտ կկառուցվեն: Այստեղ ես լավատես եմ»,- հավելել է ՌԴ նախագահը։