Ուկրաինայի ՊՆ-ն մանրամասն տեղեկություններ է ստացել Ղրիմի կամրջի տեխնիկական կառուցվածքի մասին
Ուկրաինայի պաշտպանության նախարարության հետախուզության գլխավոր վարչությունը հայտարարել է Ղրիմի կամրջի տեխնիկական փաստաթղթերի ստացման մասին։ Այս մասին հայտնում է ТАСС-ը՝ հղում կատարելով գերատեսչության սոցիալական ցանցերում հրապարակված հայտարարությանը։
Փաստաթղթերի ստացման մասին հաղորդագրության հետ մեկտեղ վարչությունը ցանցում տեղադրել է շնորհանդես՝ «Կերչի նեղուցով տրանսպորտային անցուղու կառուցում» վերնագրով։
Մամուլի ծառայությունը պնդում է, որ նյութում նկարագրված են մանրամասն տվյալներ «ռելիեֆի, ճանապարհի մակերեսի, կամուրջների հենարանների, հակասողանքային կառույցների, մուտքերի և ելքերի և համալիրի ողջ ենթակառուցվածքի մասին»։
