Վիսկիի պատերազմն ավարտվել է. Դանիան և Կանադան լուծել են տասնամյակներ տևած տարածքային վեճը

Դանիան և Կանադան արդեն ունեն ցամաքային սահման: Այս մասին գրում է Говорит Москва-ն՝ հղում տալով Դանիայի ԱԳՆ հայտարարությանը:

Նշվում է, որ ցամաքային սահմանն անցնում է Հանս կղզու երկայնքով՝ 1,3 քառ. կմ մակերեսով։
 

Ըստ հայտարարության՝ կողմերը հարթել են անմարդաբնակ Հանս կղզու սեփականության շուրջ վեճը, որն այժմ բաժանված է կանադական Նունավուտի և Գրենլանդիայի միջև, որը ինքնավարություն է Դանիայի կազմում: 
 

Տարածքային վեճը չէր լուծվում 1973 թվականից։ Չնայած պնդումներին, երկու երկրներն էլ կոնֆլիկտային իրավիճակներ չեն ստեղծել և հարցին հումորով են մոտեցել։ Կղզի կատարած այցի ժամանակ դանիացի զինվորականները այնտեղ թողել են ազգային «Ակվավիթ» ըմպելիքի շիշ և «Բարի գալուստ դանիական կղզի» ցուցանակը, իսկ կանադացի զինվորականները՝ վիսկիի շիշ և «Բարի գալուստ Կանադա» ցուցանակը: