Սեքս-սկանդալ՝ բրիտանական մարմնամարզությունում
Բրիտանացի 40 մարմնամարզիկներ հայտնել են մարզիչների կողմից ֆիզիկական և հոգեբանական բռնության մասին, գրում է Lenta. ru-ն:
The Guardian-ը գրում է, որ մոտ 40 բրիտանացի մարզիկներ դատական հայցեր են ներկայացրել բրիտանական մարմնամարզության ֆեդերացիայի (British Gymnastics) ղեկավարության դեմ, որում նրանք պնդում են, որ ֆիզիկական և հոգեբանական բռնության են ենթարկվել մարզիչների կողմից:
Աղբյուրի փոխանցմամբ՝ սեքս-սկանդալը բռնկվել է 2015 թվականին և շարունակվել մինչև անցյալ տարի։ Փաստաբան Էնն Ուայթը հայտնել է, որ դիմում է ստացել մոտ 400 մարդուց: Դիմումներից 39-ը ուղարկվել են տեղական իշխանություններին՝ մարզիկների անվտանգության համար:
Ներկայումս հետաքննություն է ընթանում ղեկավարության բոլոր մակարդակներում։
2021 թվականի հոկտեմբերին մարմնամարզության օլիմպիական չեմպիոններ Սիմոն Բայլսը, Էլի Ռայսմանը և Մաքայլա Մարոնին միջնորդեցին ԱՄՆ Կոնգրեսին ցրել երկրի օլիմպիական և պարալիմպիկ կոմիտեների ղեկավարությունը՝ բժիշկ Լարի Նասարի հետ կապված սկանդալի պատճառով:
Նրանց կարծիքով՝ հանձնաժողովը քայլեր չի ձեռնարկել ազգային հավաքականներում սեռական բռնության դեմ պայքարելու համար։
Նասարը հունվարին դատապարտվել է 175 տարվա ազատազրկման։ Նա մեղավոր է ճանաչվել սեռական ոտնձգությունների մեջ։ Նրա դեմ մեղադրանքներ են ներկայացրել ավելի քան 140 մարզիկներ, այդ թվում՝ օլիմպիական չեմպիոններ Բայլսը, Ռայսմանը, Մարոնին և Գաբրիել Դուգլասը։
Բռնության ենթարկվածների մեծ մասը անչափահասներ են եղել։
