Հայաստանի առանձին հատվածներում սպասվում է անձրև, կարկուտ

Հայաստանի տարածքում հունիսի 5-10-ը, կեսօրից հետո առանձին շրջաններում սպասվում է կարճատև անձրև և ամպրոպ: Առանձին հատվածներում սպասվում է նաև կարկուտ: 

Այս մասին տեղեկացնում են ՀՀ արտակարգ իրավիճակների նախարարությունից՝ վկայակոչելով ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տվյալները։

«Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը հունիսի 5-ին կբարձրանա 1-2 աստիճանով»,- ասվում է հաղորդագրության մեջ:

[18747429cf1e3659ea21eedece080083.jpg]

Երևան քաղաքում հունիսի 5-7-ը, 10-ին սպասվում է առանց տեղումների եղանակ։ Հունիսի 8-9-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում մինչև 15-18 մ/վ արագություն:

[69a2a800c32dab1ea2fa5fd80094e2dd.jpg]