ՏԵՍԱՆՅՈՒԹ. Ոստիկանը Վարդևանյանի նկատմամբ բիրտ ուժ է կիրառել՝ սեղմելով պարանոցը

 Պատգամավորի նկատմամբ ակնհայտ անհամաչափ ուժ գործադրող էս «կարմիր բերետավորը» նույն այն «ոստիկանն» է ով դաժան կերպով ծեծի էր ենթարկում երեք պատերազմի մասնակից, թոշակառու Գիորգի Արեսատակեսյանին (Ժոռ պապին), հատկանշական է, որ Արեստակեսյանի նկատմամբ վերջինս կիրառել էր նույն խեղդող հնարքից: Սույն ոստիկանի կողմից նման բռնության դեպքերով տեսանյութերը համացանցում բազմաթիվ են: Այս մասին Facebook-ի իր էջում գրել է փաստաբան Միքայել Շխիմյանը` անդրադառնալով «Հայաստան» խմբակցության պատգամավոր Արամ Վարդևանյանըի նկատմամբ բռնի ուժ կիրառելուն: Նա  նաև լուսանկարներ է տարածել:

Նա նաև հավելել է. «Հիշեցնեմ, որ Գ.Արեստակեսյանի կողմից հաղորդում էր ներկայացվել տվյալ դեպքի հետ կապված, սակայն մեղադրանք առաջադրվեց ի վերջո Գ.Արեստակեսյանին:  Սրա վերաբերյալ նյութերը նախապատրաստվում են հակակոռուպցիոն կոմիտեում, ուստի պատգամավորի դեպքով հաղորդում ներկայացնող անձին կհորդորեմ, որ հաղորդում տալիս, նյութերի նախապատրաստման ընթացքում հղում կատարի նաև Գիորգի Արեստակեսյանի դեպքին:

 Սրա նմանները իրավունք չունեն ուսադիր կրելու: Պատիժդ չի ուշանա...»։