Արտառոց դեպք Երևանում. փորձել են գողանալ Հայոց ցեղասպանության զոհերի հուշահամալիրի այգու ոռոգման խողովակները. Shamshyan. com
Ոստիկանության Մալաթիայի բաժնի հետաքննության բաժանմունքում նյութեր են նախապատրաստվում մայիսի 22-ին Երևանում տեղի ունեցած արտառոց դեպքի փաստով:
Այդ օրը ՀՀ ոստիկանության պետական պահպանության գլխավոր վարչության Մալաթիայի բաժնի ծառայողները ժամը 23:40–ի սահմաններում Հայոց ցեղասպանության զոհերի հուշահամալիրին կից այգում նկատել են 2 քաղաքացու, ովքեր զբոսայգու ոռոգման խողովակները կտրելիս ու տեղափոխելիս են եղել:
Ինչպես հայտնում է Shamshyan. com-ը, ոստիկաններին նկատելով, նրանցից մեկը դիմել է փախուստի, իսկ մյուսին կարողացել են բռնել, ով բերման է ենթարկվել ոստիկանության Մալաթիայի բաժին:
Գ. Շամշյանի տեղեկություններով՝ բռնվածը Արմավիրի մարզ բնակիչ, 26-ամյա Դավիթ Խ.-ն է, իսկ ոստիկանության Մալաթիայի բաժնի քրեական հետախուզության բաժանմունքի ծառայողների կողմից ձեռնարկված օպերատիվ-հետախուզական միջոցառումների արդյունքում պարզվել է, որ փախուստի դիմած քաղաքացին Արմավիրի մարզի բնակիչ, 36-ամյա Պավել Ա.-ն է:
Մալաթիայի ոստիկանները ձեռնարկում են անհրաժեշտ միջոցառումներ՝ նրան հայտնաբերելու ուղղությամբ, իսկ բերման ենթարկված Դավիթ Խ.-ն բաց է թողնվել:
Մանրամասները՝ կայքում:
