«Ազովստալ»-ում ձերբակալել են թաքնված ուկրաինացի զինվորականներին. Պուշիլին

Ուկրաինացի զինվորականները, որոնք թաքնվել են կամ դուրս չեն եկել հանձնվելու, հայտնաբերվել եւ ձերբակալվել են Մարիուպոլի «Ազովստալ» ձեռնարկությունում, ՌԻԱ Նովոստիին տված հարցազրույցում հայտնել Է ԴԺՀ-ի ղեկավար Դենիս Պուշիլինը:

Պատասխանելով այն հարցին, թե կարելի է վստահաբար ասել, որ «Ազովստալի» տարածքում չեն մնացել ուկրաինացի զինվորականներ կամ ազգայնական գրոհայիններ, հանրապետության ղեկավարն ասել է. 

«Ոչ, չի կարելի։ Նրանք կարող են թաքնված լինել, կարող են ինչ-որ տեղ կորած լինել։ 100% - ով դեռ չենք կարող պատասխանել, մինչեւ մանրակրկիտ չստուգենք, իսկ այնտեղ տարածքը բավականին լուրջ է»:

Դրա հետ մեկտեղ, Պուշիլինի խոսքով, նման մոլորվածները ակտիվ սպառնալիք չեն ներկայացնում:

«Իհարկե, անհրաժեշտ կլինի նրանց բացահայտել, եթե այդպիսիք կան։ Ես չեմ ասում, որ նրանք 100% կան կամ 100% արդեն ամեն ինչ մաքուր է: Այն բանից հետո, երբ մեր ստորաբաժանումներն ամեն ինչ կստուգեն, դրանից հետո կարելի է ասել, որ այնտեղ ոչ ոք չի մնացել», - նշել է նա։