Թուրքիան չի ներքաշվի «Ուկրաինայի շուրջ շոուի» մեջ. Էրդողան
Թուրքիան մտադիր չէ ներքաշվել «Ուկրաինայի շուրջ շոուի» մեջ, Ռուսաստանի հետ հարաբերությունները շարունակվում են, ասել է Ռեջեփ Թայիփ Էրդողանը։
«Մենք հստակ և խիզախորեն Ռուսաստանին հայտնել ենք մեր դիրքորոշումը Ուկրաինայի տարածքային ամբողջականության և ինքնիշխանության վերաբերյալ: Բայց մենք մտադիր չենք ներքաշվել այս շոուի մեջ, Ռուսաստանի հետ հարաբերությունները շարունակվում են բոլոր հարթություններում»,- ասել է Էրդողանը։
Հիշեցնենք, որ այսօր ավելի վաղ Էրդողանը հայտարարել էր, որ Հունաստանի վարչապետ Կիրիակոս Միցոտակիսը իր համար այլևս «չկա» ԱՄՆ կատարած վերջին այցից հետո:
