Շոյգուն հայտարարել է՝ ինչ համարժեք պատասխան են նախապատրաստել ՆԱՏՕ-ի ընդլայնման դեպքում
Որպես պատասխան Շվեդիայի և Ֆինլանդիայի՝ ՆԱՏՕ-ի ռազմական դաշինքին միանալու քայլին, Մոսկվան մինչև տարեվերջ 12 նոր զորամաս և ստորաբաժանումներ կստեղծի Արևմտյան ռազմական օկրուգում։ Այս մասին հայտարարել է Ռուսաստանի պաշտպանության նախարար Սերգեյ Շոյգուն։
«Լարվածությունը շարունակում է աճել Արևմտյան ռազմական օկրուգի պատասխանատվության գոտում: Մենք համարժեք հակաքայլեր ենք ձեռնարկում», - ասել է Շոյգուն։
Հիշեցնենք, որ Շվեդիան և Ֆինլանդիան պաշտոնապես դիմել են ՆԱՏՕ՝ դաշինքի անդամ դառնալու հայտով։
