Ուկրաինայի և Ռուսաստանի միջև բանակցությունները դադարեցվել են
Ռուսաստանի և Ուկրաինայի միջև բանակցությունները դադարեցվել են, հայտարարել է ՌԴ փոխարտգործնախարար Անդրեյ Ռուդենկոն՝ նշելով, որ «Ուկրաինան գործնականում դուրս է եկել բանակցային գործընթացից»։ Բանակցությունների դադարեցման մասին տեղեկությունը հաստատել է Ուկրաինայի նախագահի գրասենյակի ղեկավար Միխայլո Պոդոլյակը, փոխանցում է Theins.ru-ն։
Ավելի վաղ Վլադիմիր Պուտինը հայտարարել էր, որ ուկրաինական կողմը հետաքրքրություն չի ցուցաբերում «լուրջ և կառուցողական երկխոսության» նկատմամբ, ուստի բանակցություններն այլևս չեն ընթանում։ Մայիսի 12-ին Ուկրաինայի արտգործնախարար Դմիտրի Կուլեբան հայտարարել է, որ ռուսական կողմը պատրաստ չէ բովանդակալից բանակցություններ վարել։ Նրա խոսքով՝ Ուկրաինան պատրաստ է բանակցությունների, բայց չի հանդուրժի վերջնագրեր։
