Լիբանանում «Հըզբոլլահը» ընտրությունների արդյունքով կորցրել է խորհրդարանական մեծամասնությունը
Լիբանանի շիայական «Հըզբոլլահ» շարժումը ընտրությունների արդյունքում կորցրել է խորհրդարանական մեծամասնությունը: Այս մասին գրում է Интерфакс-ը՝ հղում տալով Orient-Le Jour-ին:
Ինչպես հաղորդում է լրատվամիջոցը՝ «Հեզբոլլահի» գլխավորած կոալիցիան 128 տեղանոց օրենսդիր մարմնում ստացել է 61 տեղ, ինչը 10-ով պակաս է, քան չորս տարի առաջ կայացած ընտրություններով ստացված արդյունքն էր:
Ավելի վաղ Լիբանանի ներքին գործերի նախարար Բասսամ Մավլավին հայտնել էր, որ ընտրողների մասնակցությունը երկրում միջին հաշվով կազմել է 41 տոկոս։
