Renault ավտոմոբիլային խմբի ռուսական ակտիվները պետական սեփականություն են դառնում
Ֆրանսիական Renault ավտոմոբիլային խմբի ռուսական ակտիվները պետական սեփականություն են դառնում: Ինչպես փոխանցում է ՌԻԱ Նովոստին՝ տեղեկությունը հայտնել է ՌԴ արդյունաբերության և առևտրի նախարարությունը։
«Renault ավտոմոբիլային խմբի ռուսական ակտիվները դառնում են պետական սեփականություն։ «ԱվտոՎԱԶ»-ի մասնաբաժինն անցնում է «ՆԱՄԻ» կազմակերպությանը, «Ռենո Ռոսիա» գործարանը՝ Մոսկվա քաղաքին»,- նշված է հաղորդագրության մեջ:
Ընդգծվում է, որ «ԱվտոՎԱԶ»-ը կշարունակի Տոլյատիի ու Իժևսկի գործարաններում արտադրել Lada ավտոմեքենաների ամբողջ շարքը։
«ԱվտոՎԱԶ»-ը կիրականացնի նաև Renault ավտոմեքենաների սպասարկումը ռուսական շուկայում:
