Գերմանիան սկսել է ռուսական գազի դիմաց վճարել ռուբլով. Իտալիայի վարչապետ
Իտալիայի վարչապետ Մարիո Դրագին ասել է, որ Գերմանիան, իբր, արդեն վճարել է ռուսական գազի մատակարարումների համար ռուբլով, սակայն չի նշել վճարումը կատարած ընկերության անունը։ Այս մասին նա հայտարարել է մամուլի ասուլիսում, գրում է Reuters-ը։
«Գազի ամենամեծ ներկրողը` Գերմանիան, արդեն վճարել է ռուբլով, իսկ ներկրողների մեծ մասը հաշիվներ է բացել ռուբլով», - ասաց նա:
Նրա խոսքով՝ ռուբլով վճարումների վերաբերյալ Մոսկվայի պահանջը չի հանգեցնի մատակարարումների ընդհատումների։
