Հունգարիան ընդունել է ռուսական գազի և նավթի ռուբլով վճարման սխեման. երկրի ԱԳՆ
Հունգարիայի արտաքին գործերի նախարար Պետեր Սիյարտոն CNN-ին հաստատել է, որ իր երկիրը կօգտագործի ռուսական նավթի և գազի համար Ռուսաստանի կողմից պարտադրված վճարման սխեման, գրում է Интерфакс-ը:
Դիվանագետը բացատրել է. «Մեր գազի 85%-ը, նավթի 65%-ը գալիս են Ռուսաստանից: Ինչո՞ւ, որովհետև դա որոշվում է ենթակառուցվածքով: Դա զվարճանքի համար չէ, մենք չենք ընտրել իրավիճակը»:
Սիյարտոն հավելել է, որ Հունգարիան չունի այլընտրանքային աղբյուրներ կամ երթուղիներ, որոնք թույլ կտան առաջիկա մի քանի տարիներին դադարեցնել ռուսական էներգիայի ներմուծումը։
Հեռուստաալիքը հիշեցնում է, որ մոսկովյան վճարումների սխեմային համաձայնել են մի քանի այլ երկրներ։ Այսպես, անցյալ շաբաթ Եվրահանձնաժողովի կողմից հրապարակված փաստաթղթում հաղորդվում էր, որ «հնարավոր է թվում» պահպանել ռուսական նոր կանոնները՝ չհակասելով ԵՄ օրենսդրությանը։
