Սաակաշվիլին վերադարձել է Ուկրաինայում պատերազմի դեպքում այստեղ երկրորդ ճակատ բացելու համար. Ղարիբաշվիլի

Վրաստանի նախկին նախագահ Միխեիիլ Սաակաշվիլին վերադարձել է Վրաստան՝ Ուկրաինայում ռազմական գործողությունների դեպքում Ռուսաստանի դեմ երկրորդ ճակատի բացման նախապատրաստման համար։ Այս մասին լրագրողների հետ զրույցում հայտնել Է Վրաստանի վարչապետ Իրակլի Ղարիբաշվիլին։ 

Նա նշել է, որ եղել է հստակ տեղեկատվություն այն մասին, որ Ուկրաինայում պատերազմը սկսվելու է անցյալ տարվա նոյեմբերին կամ դեկտեմբերին:

«Հենց դրա համար է եկել Սաակաշվիլին, որ այստեղից ամեն ինչ պատրաստի երկրորդ ճակատի բացման համար։ Ցավոք, դա հաստատել են նաև մեր ուկրաինացի ընկերները», – ասել Է Ղարիբաշվիլին։ 

Վրաստանի վարչապետը ևս մեկ անգամ հայտարարել է, որ Վրաստանը չի ներքաշվելու Ուկրաինայի իրադարձությունների մեջ: