Առողջապահության նախարարությունը` ՀՀ-ում «կենսաբանական լաբորատորիաների» մասին. Sputnik
Հայաստանի առողջապահության նախարարությունը ներայացրել է մանրամասներ մեր երկրում, այսպես կոչված, «կենսաբանական լաբորատորիաների» մասին: Նշված լաբորատորիաներ արդեն այցելել են մասնագետներ Ռուսաստանից, ԱՄՆ-ից և ԵՄ-ից, Sputnik Արմենիայի հարցմանն ի պատասխան ասել է ՀՀ Առողջապահության նախարարությունը:
Գերատեսչությունից հայտնել են, որ Հայաստանի օրենսդրության մեջ չկա կենսալաբորատորիաներ տերմին։ Հանրապետությունում կան լաբորատոր և ախտորոշիչ օգնություն ու ծառայություններ մատուցող լիցենզավորված կազմակերպություններ։ Դրանք իրականացնում են կենսանյութի ախտորոշիչ հետազոտություններ՝ մանրէաբանական, վիրուսային, մակաբուծական, շճաբանական մոլեկուլային-գենետիկ մեթոդներով։ Լաբորատորիաների հիմնական նպատակը հանրային առողջության ապահովումն է։
Հիշեցնենք, որ օրերս Հայաստանում ԱՄՆ դեսպանատան մոտ մի խումբ երիտասարդներ մեր երկրում նման օբյեկտների դեմ ֆլեշմոբ էին անցկացրել։
