Մոսկվա մեկնելուց առաջ Փաշինյանը հանդիպե՞լ է Հարությունյանին. Արցախից մեկնաբանում են

 Մամուլում տեղեկություն է տարածվել այն մասին, որ վարչապետ Նիկոլ Փաշինյանը, մինչ Մոսկվա մեկնելը, հանդիպել է Արցախի նախագահ Արայիկ Հարությունյանի և Անվտանգության խորհրդի քարտուղար Վիտալի Բալասանյանի հետ: 

Մասնավորապես նշվում է, որ Արայիկ Հարությունյանը Փաշինյանի հետ խոսել է Արցախի խորհրդարանի ընդունած հայտարարության մեջ տեղ գտած շեշտադրումների մասին, որպեսզի վերջինս ընդունի դրանք ի գիտություն` Մոսկվայում հանդիպումների ընթացքում և Արցախի հարցով 1 մմ անգամ չշեղվի դրանից:

Auroranews.am-ը կապ հաստատեց Արցախի նախագահի մամուլի խոսնակ Լուսինե Ավանեսյանի հետ: Հարցին` Մոսկվա մեկնելուց առաջ եղել է արդյոք հանդիպում Նիկոլ Փաշինյանի հետ թե ոչ, Ավանեսյանը պատասխանեց.

«Նախագահ Արայիկ Հարություննյանի պաշտոնական հանդիպումների մասին, որոնք տեղի են ունենում Ստեփանակերտում կամ այլուր մշտապես տարածվում է պաշտոնական հաղորդագրություն: Այս պահի դրությամբ նման հաղորդագրություն չի տարածվել»: 

Հարցին, իսկ ոչ պաշտոնական հանդիպում տեղի ունեցել է` Ավանեսյանը հրաժարվեց մեկնաբանություն տալ: