Ինչու խաղաղապահները թույլ չեն տվել ընդդիմադիրներին այցելել Ղարաբաղ. ՌԴ ԱԳՆ-ն պարզաբանել է

 Հայաստանի խորհրդարանի պատգամավորների այցը Լեռնային Ղարաբաղ նախապես համաձայնեցված չի եղել խաղաղապահների հետ, ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Ռուսական խաղաղապահ զորախումբը գործում է Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի հայտարարության դրույթներին համապատասխան։ Այս այցը նախապես համաձայնեցված չէր խաղաղապահների հրամանատարության հետ», - ասել է Զախարովան։

«Մենք կարծում ենք, որ ռուս խաղաղապահների գործողությունների մասին հայտարարությունները, որոնք իբր հակասում են 2020 թվականի նոյեմբերի 9-ի հայտարարության դրույթներին, չեն համապատասխանում իրականությանը», - ասվում է մեկնաբանության մեջ։

ՌԴ ԱԳՆ-ն ակնկալում է, որ հաշվի առնելով միջադեպերը, որոնք տեղի են ունեցել ինչպես խաղաղապահների պատասխանատվության գոտում, այնպես էլ հայ-ադրբեջանական սահմանի առանձին հատվածներում, երկու կողմերը զերծ կմնան քայլերից, որոնք կարող են սրել իրավիճակը տարածաշրջանում։