Որոշ ռուսական բանկեր չեն կարողանա թողարկել չինական UnionPay վճարային համակարգի քարտեր

Ռուսական բանկերը, որոնք հայտնվել են պատժամիջոցների տակ, չեն կարողանա քարտեր թողարկել չինական UnionPay վճարային համակարգից, գրում է НТВ-ն:
 

Աղբյուրների համաձայն՝ վճարային համակարգը վախենում է համագործակցել այդ բանկերի հետ՝ երկրորդական պատժամիջոցների վտանգի պատճառով։
 

Այսպիսով, «Սբերբանկ»-ը նախատեսում էր թողարկել UnionPay քարտեր, սակայն չինական համակարգի որոշման պատճառով որոշեց հրաժարվել այդ ծրագրերից։ 

Alfa-Bank-ը, Otkritie-ն, VTB-ն և Promsvyazbank-ը նույնպես դիտարկել են UnionPay քարտերի թողարկման հնարավորությունը:
 

Այն բանկերի հետ, որոնք չեն ընկել պատժամիջոցների տակ, UnionPay-ը շարունակում է համագործակցել։