ՏԵՍԱՆՅՈՒԹ. «Հայաստան» խմբակցությունը մեկնում է Արցախ
«Հայաստան» դաշինքի ֆեյսբուքյան էջում նոր տեսանյութ է հրապարակվել, որին կից գրված է, որ Հայաստան» խմբակցությունը մեկնում է Արցախ:
Գրառմանը կից հրապարակել են խմբակցության ղեկավար Սեյրան Օհանյանի` ԱԺ ամբիոնից արված հայտարարությունը:
«ԱԺ «Հայաստան» խմբակցության պատգամավորները բոյկոտել են հերթական քառօրյան և պատրաստվում են այսօր մեկնել Արցախ։
«Մեզ համար սակարկելի չեն ՀՀ անկախության հռչակագրում նշված դրույթները՝ մեր տարածքային ամբողջականությունը սուվերենությունը։ Անընդունելի ենք համարում ղարաբաղյան հակամարտության կարգավորման որևէ տարբերակ, որի դեպքում Արցախը կարող է հայտնվել Ադրբեջանի կազմում։
ՀՀ ներկայիս իշխանությունն անկարող է լուծել ներքին ու արտաքին բազմաթիվ խնդիրներ. վերջին զարգացումները հաստատում են այն մտահոգությունները, որ ամեն ինչ ընթանում է ադրբեջանա-թուրքական օրակարգով:
Ելնելով ստեղծված իրավիճակից՝ խորհրդարանական ընդդիմությունը հայտարարում է, որ չի մասնակցելու այս շաբաթվա նիստերին և քվեարկություններին։ Մենք մեկնում ենք Արցախ ու ՀՀ սահմանամերձ մարզեր»։
