ԱՄՆ-ից հայտնել են՝ ինչու է Գրենլանդիայի նկատմամբ վերահսկողությունը կարևոր
ԱՄՆ ֆինանսների նախարար Սքոթ Բեսենթը հայտարարել է, որ Վաշինգտոնը Գրենլանդիայի նկատմամբ վերահսկողությունը կարևոր է համարում հնարավոր ապագա հակամարտությունները կանխելու նպատակով։ Այդ դիրքորոշումը նա ներկայացրել է Դավոսում անցկացվող Համաշխարհային տնտեսական ֆորումի ընթացքում ունեցած ելույթում։
Բեսենթի խոսքով՝ ԱՄՆ նախագահ Դոնալդ Թրամփը համոզված է, որ Գրենլանդիան պետք է լինի Միացյալ Նահանգների կազմում՝ անվտանգության ռիսկերը նվազեցնելու համար։ Նախարարի փոխանցմամբ՝ հարցը դիտարկվում է ռազմավարական տեսանկյունից։
Նա նաև նշել է, որ Թրամփը Գրենլանդիան անհրաժեշտ է համարում ԱՄՆ-ի համար՝ հակահրթիռային պաշտպանության Golden Dome («Ոսկե գմբեթ») համակարգի արդյունավետ տեղակայման նպատակով։ Բեսենթի գնահատմամբ՝ այդ համակարգը կարևոր դեր ունի ազգային անվտանգության ապահովման գործում։
