Հայաստանում դատավորների թիվը դեռ անբավարար է․ Վլադիմիր Վարդանյան
Միջին եվրոպական չափանիշներին համահունչ դատավորների թիվ չունենք: Մեր դատավորների թիվը՝ համեմատած եվրոպական համադրելի երկրների դատավորների թվաքանակի, դեռ մնում է ցածր, այն էլ այն պարագայում, երբ մենք վերջին 7-8 տարիների ընթացքում մոտավորապես 30-40 տոկոսով ընդլայնել ենք դատավորների դատական կորպուսը: Այս մասին Ազգային ժողովի այսօրվա նիստին ասել է «Քաղաքացիական պայմանագիր» խմբակցության պատգամավոր Վլադիմիր Վարդանյանը:
«Վարչական դատավարության մասով, խնդահարույց իրավիճակ է, քանի որ կան ակտեր, որոնք ուղղվում են միայն վարչական դատարան, և վերջինիս աշխատանքը ծանաբեռնվում է»,- ասել է Վարդանյանը։
«Կարող են գործեր լինել, որոնց արժեքը 5000 դրամ է: Կան գործեր, որոնք մի քանի միլիարդ դրամ կարող են արժենալ: Բայց դատավարական ընթացակարգերի տեսանկյունից դատավորը գրեթե նույն ժամանակն է ծախսում այդ գործերը քննելու վրա»,- ասել է պատգամավորը:
Վլադիմիր Վարդանյանը առաջարկել է հանրավոր լուծումներից մեկը, այն է, զրո ատյանի վարչական դատարանի կոնցեպտ մշակելն է, այսինքն՝ մի մարմին, որը պետք է շատ արագացված ընթացակարգով՝ առանց դատական քաշքշոցի մեջ ներառվելու, կարողանա վերանայել կայացված վարչական ակտերը:
