Սլովակիան կարող է Ուկրաինային վաճառել ինքնագնաց հաուբիցներ ու կործանիչներ

Սլովակիան կարող է Ուկրաինային վաճառել իր Zuzana ինքնագնաց հաուբիցների մի մասը, հայտարարել է երկրի պաշտպանության նախարար Յարոսլավ Նադը, փոխանցում է Reuters-ը: 

«Ես կարող եմ հաստատել, որ մենք բանակցություններ ենք վարում (վաճառքի մասին)»,- ասել է Նադը: 

Zuzana 2 հաուբիցն ավելի հին մոդելի նորացված տարբերակն է, որն օգտագործում է 155 մմ արկեր եւ կրակակերթի 40-50 կմ արդյունավետ հեռահարություն ունի՝ կախված զինամթերքի տեսակից: 

ՆԳ նախարար Ռոման Միկուլեցի խոսքով՝ Սլովակիան կարող էր Ուկրաինա ուղարկել նաեւ ՄիԳ-29 կործանիչները: 

Նադի խոսքով՝ Սլովակիան շուտով խնդիրներ կունենա՝ կապված ՄիԳ-29-երը սպասարկելու հետ, քանի որ ռուս մասնագետները լքում են երկիրը: Նախարարի խոսքով՝ ՄիԳ-երի շահագործումից դուրս գալուց հետո եւ նախքան ամերիկյան F-16 կործանիչների մատակարարումը 2014 թ., երկրի օդային տարածքի պատշտանությունը կարող են ապահովել, օրինակ, ամերիկացիները Լեհաստանում տեղակայված բազայից: