«Մեր տղաներն արյուն չեն թափել, որ մենք էսօր լռենք». զոհվածների հարազատները գիշերը կառավարության շենքի մոտ են եղել

Ցորի զորամասին անհետ կորած եւ զոհված զինծառայողների մի քանի ծնողներ կեսգիշերն անց կառավարության շենքի մոտ բողոքի ակցիա են անցկացրել: 

«Մենք գտնվում ենք կառավարության շենքի մոտ, եթե ձեզ համար  անտարբեր չի, մեր երկիրը, մեր ազգը, մեր հայրենիքը, եկեք միացեք մեզ, սպասում ենք: Մենք զոհված զինծառայողների հարազատներ ենք, մեր տղաները արյուն չեն թափել, որ մենք էսօր լռենք: Մեր տղերքը կռիվ են տվել հերոսաբար, մեր տղերքը էսօր չկան, մենք իրենց գործը պետք է շարունակենք, մենք ոչ մի  կտոր հող չունենք հանձնելու թուրքերին, մանավանդ մեր կառավարության տարած քայլերով, որ իրանք այսօր հերթով հանձնում են, ժողովուրդ ջան: Մենք ենք մեր հողերի տերը, սպասում եմ ձեզ, ժողովուրդ ջան»,- ասել է զոհված զինծառայողի հարազատ Եղիշե Զաքունցը: