Իսրայելն ու Թուրքիան քննարկում են դեպի հարավային Եվրոպա այլընտրանքային գազատարի ստեղծման հարցը

Իսրայելի և Թուրքիայի իշխանությունները քննարկում են գազատարի կառուցման հարցը, որը այլընտրանք կստեղծի Ռուսաստանից հարավային Եվրոպա գազի մատակարարմանը, հայտնում է Reuters-ը։ Ինչպես հայտարարել են Թուրքիայում, այս թեմայով բանակցությունները շարունակվում են ողջ մարտի ընթացքում, և առաջիկա ամիսներին կարող են «կոնկրետ որոշումներ» կայացվել երթուղու և ծրագրի մասնակիցների վերաբերյալ։ 500-550 կմ երկարությամբ խողովակաշարի գինը կկազմի մոտ 1,5 միլիարդ դոլար, ինչը ավելի շահավետ է, քան 6 միլիարդ եվրո արժողությամբ արևելյան միջերկրածովյան գազատարը (Իսրայելից Կիպրոս, Հունաստան և Իտալիա), նշում է լրատվականը։