Իսրայելում «արաբական ահաբեկչությունների դեմ կպայքարեն երկաթե բռունցքով». Բենեթ
Իսրայելի վարչապետ Նաֆթալի Բենեթը յոթ օրվա ընթացքում երրորդ ահաբեկչությունից հետո երդվել է «պայքարել ահաբեկչության դեմ համառ, ջանասիրաբար և երկաթե բռունցքով»։ Այս մասին գրում են տեղի ԶԼՄ-ները:
«Իսրայելը կանգնած է արաբական արյունալի ահաբեկչության ալիքի առաջ: Անվտանգության ուժերը աշխատում են: Մենք ահաբեկչության դեմ կպայքարենք համառ, ջանասիրաբար և երկաթե բռունցքով», - ասել է Բենեթը Բնեյ Բրակի հարձակումից հետո:
Հիշեցնենք, որ Իսրայելական Բնեյ Բրակում հրաձգության հետևանքով չորս մարդ է զոհվել, ևս մեկի վիճակը ծայրահեղ ծանր է:
Ենթադրաբար, ահաբեկիչը ավտոմատից կրակ է բացել մարդկանց ուղղությամբ։
