Ադրբեջանի ԱԳՆ-ն պատասխանել է ԱՄՆ-ի հայտարարությանը
Ադրբեջանի ԱԳՆ-ն հայտարարություն է տարածել՝ արձագանքելով երեկ ԱՄՆ Պետքարտուղարի մամուլի քարտուղարի տեղակալ Ջալինա Փորթերի հայտարարությանը։
Հիշեցնենք, որ հայտարարության մեջ նշվում էր՝ ԱՄՆ-ը խորապես անհանգստացած է Լեռնային Ղարաբաղում ադրբեջանական զորքերի տեղաշարժով, դրանք և էսկալացիայի այլ միջոցները համարում է անպատասխանատու:
«Ցավոք, Միացյալ Նահանգները, որպես ԵԱՀԿ Մինսկի խմբի համանախագահող երկիր, այս տարիների ընթացքում ոչ մի արդյունավետ քայլ չի ձեռնարկել Ադրբեջանի դեմ Հայաստանի մոտ 30-ամյա ռազմական ագրեսիային վերջ տալու համար»,- ասված է Ադրբեջանի ԱԳՆ հայտարարության մեջ։
Հայտարարության մեջ նշվում է նաև, որ ԱՄՆ Պետդեպարտամենտի ներկայացուցչի կողմից նման հայտարարություն անելը անպատասխանատու է։
