Ծառուկյանը՝ Քրիստոսի արձանի մասին

Սա պատմական հզոր գործ է, ազգի գործ է, որը պետք է մենք ամենալավը լինի։ Կարևորը հանճարեղ մարդիկ ունենք, սա պատմական է լինելու և դարերի պատմություն է ունենալու։ Այս մասին լրագրողների հետ զրույցում, անդրադառնալով Հիսուս Քրիստոսի արձանի կառուցման աշխատանքներին, ասաց ԲՀԿ կուսակցության ղեկավար Գագիկ Ծառուկյանը։

«Մեր ցանկությունն է, որ ընտրվի ամենագեղեցիկը և ամենահզորը։ Քանի որ մենք առաջին քրիստոնյա ազգն ենք, որը պետականորեն ընդունել է քրիստոնեությունը, սա նույնպես մեզ մոտ պետք է լինի առաջինը։ Ազգովի համախմբվելով՝ անելու ենք ամենալավը։ Մենք բոլորին լսում ենք, ոչնչի առաջ չենք կանգնելու, Աստծու տված գործ է և այն մենք իրականացնելու ենք»,– ասաց ԲՀԿ առաջնորդը։