Հասարակություն

ՏԵՍԱՆՅՈՒԹ․ Ալեն Սիմոնյանը «տուրիստական շրջագայության» է էլի մեկնել բյուջեի հաշվին, ինչո՞ւ․ պատգամավոր

«Հայաստան» խմբակցության պատգամավոր Արեգնազ Մանուկյանը ԱԺ այսօրվա նիստի ընթացքում հետաքրքրվեց՝ ի՞նչ նպատակ ունի ԱԺ նախագահ Ալեն Սիմոնյանի գլխավորությամբ 11 հոգանոց պատվիրակության մեկնումը Բալի, որքա՞ն…

«Հայաստան» խմբակցության պատգամավոր Արեգնազ Մանուկյանը ԱԺ այսօրվա նիստի ընթացքում հետաքրքրվեց՝ ի՞նչ նպատակ ունի ԱԺ նախագահ Ալեն Սիմոնյանի գլխավորությամբ 11 հոգանոց պատվիրակության մեկնումը Բալի, որքա՞ն է դա արժենալու և ի՞նչ է դա տալու Հայաստանին:

Ռուբեն Ռուբինյանն էլ արձագանքեց, որ Ալեն Սիմոնյանը չի մեկնել Ինդոնեզիա՝ շրջագայության, այլ մեկնել է որպես միջխորհրդարանական միությունում ՀՀ ԱԺ պատվիրակության ղեկավար:

Արեգնազ Մանուկյանն էլ իր հերթինն նկատեց, որ Ռուբինյանը խուսափողական պատասխան տվեց իր հարցերին.

«Այս խորհրդարանում Ալեն Սիմոնյանը միակը չէ, որը տուրիստական տոմս է շահել, ՔՊ-ի պատգամավորները ևս հերթով մեկնում են շրջագայության՝ զրո արդյունք տալով Հայաստանին, լիքը անձնական տպավորություններ ստանալով և կրկին պետական բյուջեի հաշվին»,-ասաց Մանուկյանը:

Ռուբինյանն էլ հորդորեց ԱԺ պատվիրակությունների նպատակների և ծախսերի մասին տեղեկություն ստանալ ԱԺ կայքից.

«Ձեր նշած շրջագայությունների ընթացքում, ցավոք, միայն ՔՊ-ական պատգամավորներն են բարձրաձայնում այն հարցերը, որոնք բխում են Հայաստանի և Արցախի շահերից»,-ասաց Ռուբինյանը և դիմեց Արեգնազ Մանուկյանին. «Ձեզ խորհուրդ կտամ փոխել ձեր ոճը, որովհետև արդեն հոգնեցնում է»,-ասաց Ռուբեն Ռուբինյանը:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7427) Միջազգային (3242) ԱՄՆ (2284) Ռուսաստան (2100) Իրան (1736) Ընտրություններ (1272) Ուկրաինա (823) Երևան (798) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (429) Ազգային ժողով (413)

Radio Aurora

Լսել Radio Aurora

Գովազդային տարածք

300x250