ՏԵՍԱՆՅՈՒԹ․ Տեսախցիկները ֆիքսել են, թե ինչպես է Boeing 737 մարդատար ինքնաթիռը ընկնում

Համացանցում հայտնվել է տեսանյութ, որի կադրերից պարզ է դառնում, որ տեսախցիկները ֆիքսել են Չինաստանի հարավում Boeing 737 մարդատար ինքնաթիռի կործանման պահը, փոխանցում է Ռիա Նովոստին։ 
Կադրերը ցույց են տալիս, որ ինքնաթիռը արագորեն ցած է ըննում։ Նկատելի է, որ ինքնաթիռը ընկնում է գրեթե ուղղահայաց։

Հիշեցնենք, որ Չինաստանի հարավում վթարի է ենթարկվել China Eastern ավիաընկերությանը պատկանող Boeing 737 ուղևորատար ինքնաթիռը։ Այս մասին հայտնում է Չինաստանի ազգային հեռուստատեսությունը։ Վթարը տեղի է ունեցել Գուանսի-Չժուանի ինքնավար մարզի Ուչժոու քաղաքային շրջանում։

Զոհերի և վիրավորների մասին դեռևս տեղեկություն չկա։

Ինքնաթիռում գտնվել է 133 մարդ։ Իրականացվում են որոնողափրկարարական աշխատանքներ։

Նշվում է, որ աղետի վայրում անտառային հրդեհ է սկսվել։