«Նրանք դեռ պետք է ավելի քիչ շնչեն». Զախարովան պատասխանել է Գերմանիայի նախարարին

Ռուսաստանի ԱԳՆ-ի պաշտոնական ներկայացուցիչ Մարիա Զախարովան մեկնաբանել է Գերմանիայի պարենի եւ գյուղատնտեսության նախարար Ջեմ Օզդեմիրի հայտարարությունը, որն ասել էր, որ «ավելի քիչ միս օգտագործելը ավանդ կլիներ Պուտինի դեմ»։

«Գերմանիայի պարենի եւ գյուղատնտեսության նախարար Ջեմ Օզդեմիր. «Չնայած ես բուսակեր եմ, բայց չեմ քարոզի, որ բոլորը պետք է բուսակերության անցնեն։ Բայց այսպես ասենք. մսի ավելի քիչ քանակության օգտագործումը ավանդ կլիներ Պուտինի դեմ»։

Բայց չէ՞ որ սա միայն ճշմարտության մի մասն է։ Ափսոս որ գերմանացիներին մինչեւ վերջ ամեն բան չի ասել. նրանք դեռ պետք է ավելի քիչ շնչեն, ինչն ավանդ կլիներ թե՛ ի պաշտպանություն էկոլոգիայի, թե՛ նաեւ Ռուսաստանի դեմ։ Այսպես ասենք»,- գրել է Մարիա Զախարովան Telegram-ում։