Մոսկվան ու Կիևը Ուկրաինայի ապառազմականացման հարցում «ճանապարհի կեսին են»

Ուկրաինայի չեզոք կարգավիճակը և նրա չանդամագրումը ՆԱՏՕ-ին այն թեմաներն են, որոնց շուրջ Մոսկվան և Կիևը բանակցությունների ժամանակ առավելագույնս մոտեցրել են իրենց դիրքորոշումները: Այս մասին լրագրողներին ասել է  Ուկրաինայի նախագահի օգնական Վլադիմիր Մեդինսկին:

Մեդինսկին նշել է, որ այս կետերում կան նյուանսներ՝ կապված Ուկրաինայի անվտանգության երաշխիքների հետ։ 

«Նյուանսները կապված են այն բանի հետ, թե անվտանգության ինչ երաշխիքներ է ստանում Ուկրաինան, ի լրումն եղածների, ՆԱՏՕ-ի դաշինքին միանալուց հրաժարվելու դեպքում»,- պարզաբանել է նա։ 

Նրա խոսքով՝ Մոսկվան ու Կիեւը բանակցություններում «մոտավորապես ճանապարհի կեսին են» Ուկրաինայի ապառազմականացման հարցում։