Կիևը պատրաստվում է ՌԴ-ի հետ բանակցությունների հաջորդ փուլերին․ Զելենսկի
Ուկրաինայի նախագահ Վլադիմիր Զելենսկին հայտարարել է, որ ուկրաինական կողմը պատրաստվում է Ռուսաստանի հետ բանակցությունների հաջորդ փուլին՝ խաղաղության հասնելու համար։
«Բելառուսի մեր պատվիրակությունը գիշերը վերադարձել է բանակցություններից, ես կլսեմ նրանց զեկույցը: Մենք կպատրաստվենք բանակցությունների հաջորդ փուլերին՝ հանուն Ուկրաինայի, հանուն խաղաղության»,- ասել է նա չորեքշաբթի օրը իր Telegram ալիքով հրապարակված տեսաուղերձում։
Ռուսաստանն Ուկրաինայում ռազմական գործողություն է սկսել փետրվարի 24-ին։
Արևմուտքի երկրները սկսել են Ռուսաստանի դեմ տարբեր բնույթի սահմանափակիչ միջոցներ կիրառել, ինչպես նաև ընդլայնել են Մինսկի դեմ պատժամիջոցները ռուսական ռազմական հատուկ գործողությանը աջակցելու համար:
