ԱՄՆ-ը շարունակում է Ռուսաստանի հետ Իրանի միջուկային ծրագրի շուրջ համագործակցությունը
Ռուսաստանի դեմ ուկրաինական իրադարձությունների պատճառով կիրառված պատժամիջոցները չպետք է խոչընդոտեն իրանական միջուկային գործարքի իրականացմանը, եթե հնարավոր լինի այն վերականգնելու շուրջ բանակցություններ վարել, հայտարարել է Պետդեպարտամենտը։
«Ռուսաստանի հետ կապված նոր պատժամիջոցները ոչ մի առնչություն չունեն Իրանի միջուկային ծրագրի վերաբերյալ Գործողությունների համատեղ համապարփակ ծրագրի հետ և չպետք է որևէ ազդեցություն ունենան դրա հնարավոր իրականացման վրա», – ասել է ԱՄՆ արտաքին գործերի նախարարության մամուլի քարտուղարը:
Նա հայտարարել է, որ ԱՄՆ-ը շարունակում է համագործակցել Ռուսաստանի հետ Իրանի միջուկային ծրագրի շուրջ։ «Ռուսաստանը կիսում է ընդհանուր շահը՝ երաշխավորելու, որ Իրանը երբեք միջուկային զենք չունենա»,- ասվում է հայտարարության մեջ։
Վիեննայում ընթանում են միջուկային գործարքի վերականգնման շուրջ բանակցությունները, որոնք, ըստ մասնակիցների, հասել են ավարտին։
