Tesla-ն կարծես զիջում է դիրքերը․ նոր էլեկտրամեքենա նորվեգական ընկերությունից
Մինչ աշխարհը սպասում է Tesla-ի վաղուց խոստացված Cybertruck-ին, մեկ այլ ֆանտաստիկ նախագիծ ՝ 115,000 դոլար արժողությամբ (84,565 ֆունտ ստեռլինգ) էլեկտրական մեքենան ութ ուղևորի համար գրավել է ավտոսիրողների ուշադրութունը: Այս մասին հայտնում է Reuters-ը։
Fresco XL նորվեգական ընկերությունը մինչ այժմ ներկայացրել է էլեկտրական մեքենայի միայն 3D մոդելը, սակայն խոստանում է, որ մեքենան կկարողանա բացել աննախադեպ՝ մինչև 620 մղոն (1000 կմ) արագություն՝ մեկ լիցքավորմամբ:
Սկանդինավյան ընկերությունը Fresco XL-ը նախագծել է « կոշտ կլիմայի» համար: Մեքենան կհաղթահարի նաև ձյունն ու սառույցը շնորհիվ կրկնակի շարժիչների:
Ներկայումս Fresco XL-ի մասին շատ բան հայտնի չէ, սակայն դիզայներներն ասում են, որ այն կունենա նաև կրկնակի մարտկոցներ, որոնք հոսանքի աղբյուր կլինեն նաև այլ իրերի համար: Օրինակ էլեկտրական մեքենան կունենա հոսանքի վարդակներ, որոնց կարելի է միացնել հեռախոսը կամ նոութբուքը, այնպես, ինչպես տանը:
Սեփականատերերը կկարողանան իրենց մեքենայի մարտկոցը վերածել իրենց տան համար պահեստային էներգիայի աղբյուրի , անգամ կարող են էներգիա վաճառել ցանցին:
